Muhiki Wa Mikosi

Maitu ndũgiũke wone mũhiki

Ũria wũiguaga watũmire

Ciana ciakwa itunĩhe njuĩrĩ

Ũria watũmire mbutwo wĩra

Githĩ nĩ mũhiki mũthaka ũũ

Githĩ nĩ mũhiki kĩrorerwa

Mũhiki ũyũ ũkuona ndamũkorire mbaa ĩmwe Mũrang'a ya mihehu

Ndehũgũra ngĩkora andorete

Ngĩhaana ta nyamũ ĩhũgũrĩirwo nĩ itaraara

Ũrĩa ĩĩtwaraga ĩnyingirite ĩgĩthiĩ kũrĩo

Hĩndi ĩyo ũkiũgua ngaari ya wĩraĩnĩ

Ndamĩtigĩtie oro Mahĩshi

Ĩgĩĩekwo service

Ngĩciria nyue kamwe ka mĩhehũ

Wathiaga kũ mwana wakwa?

Ĩĩ ndathiaga Nyĩrĩ kũgĩra boss yakwa wĩrainĩ

Ta nuthu thaa twahanaga ta andũ mamenyanĩte mĩaka ikũmi

Aheaga ũhoro ngomba gwĩtĩkia

Ndahanaga ta ũyũ ũthiũrũrĩtwo

No ndũkanyite na mahitia amu

Korwo ahiki nĩ indo cia thakame

Ndaandĩka Maathai ya kũrĩĩthia

Ngĩciria ngũthũke o ro Mahĩshi "Excuse me"

Ngĩĩre mũtokaa nĩguo ndĩwonage ũrĩ hakuhĩ

Ndoonirio wendo ũtarĩ mũrugũrie mami wito

Thitima ciagwatio ngĩthitũka ngĩririkana nyuma wĩrainĩ

Ngĩmwera nĩgũthĩĩ ngĩmũhoya date kaba tũkoonana mũthenya ũngĩ

Nake agĩũkĩra akĩhĩmbĩria akĩnjĩra no nginya menye gwake

Ĩĩ kweli njĩra ĩ kũũra

Ĩgĩaga ime kwĩ na rĩua

Na Wanjirũ witũ wa Mũrugi

Na nĩkĩo thikũ ici mũrahenio

Na kĩero nĩ ũimbo

Twakinya gwake ngĩtugwo wega ngĩrĩa na ngĩnyua mami wiitũ

Maheni nĩ mooru ona ngĩũgania ndĩamenyire

Kaĩ wahanaga ta ta Kalulu

Kweri mwana wakwa wahanaga ta ũyũ ũthiũrũrĩtwo

Ona nĩĩ maitũ nginya ũmũthe ũyũ

Ndĩciragia korwo ti gĩthitũ arĩ nakĩo

No nginyagia akorwo atũmĩtwo nĩ ngoma oke anyarĩre

Njohi yarika kĩongo ngĩũkĩra haana ta mũndũ ũraomwo nĩ ũgo mami witũ

Ngĩhingũra na rua ngwete guo ciakwa nginya mũtokaa-inĩ ngĩhũũra mwaki

Ndakinya Thagana ngaari ĩkĩũra bara

Ĩkĩhũra gĩkĩngĩ ta ndũrũme

Hau ndarutirwo nĩ ahĩtũki

Ngĩtwaro borithi nginya thibitarĩ itakwĩigua

Ke ngwĩre kuona ũrirũ ti gũkũra

Wanaruona anarũmenya mami witũ

Ndĩ thibitarĩ ngĩthimwo thakame

Ngĩmenywo ndanyũite nginya iria ngananie

Ngĩrokio igoti-inĩ, kũhũra gĩkĩngĩ

Gũtwarithia ngaari ndĩ mũriũ

Ndathomerwo ndiakararirie

Ngĩtunywo marũa na ngĩhorio ũcũrũ mĩeri ĩtandatũ na ngĩbuutwo

Ngwenda ũnjĩri mami witũ

Mũhiki ta ũyũ wa mĩkosi

Tũngĩmwĩka atĩa nĩguo amenyekage arĩ mũingĩ-inĩ

Nĩngũkuonia ũrĩa tũkũmwĩka

Tũkũmwĩkĩra mbugi ngiingo

Tũcooke tũmware ruoro thiithi

Nĩguo amenyekage akĩhĩtũka

Nĩngĩ angĩrema macio mothe?

Tũkũmũtũmĩra Kaĩni maikarage nake

Nĩngĩ angĩrema macio mothe?

Tũkũmũtũmĩra Kaĩni maikarage nake