Wagakunga nĩarathire, riũa nĩtuotire
Tondũ oigire gũtirĩ rĩaraga na rĩtiotwo
Nĩniĩ gũĩkĩra mũkonde, riũa nĩmũguota
Mũaga kũigua rũrũ mũeterere hiti iria ikamũrĩa
Hiti ndĩrĩ yarĩa mũana, mbũgũ ndarũa igũrũ
Cioiga ciana tũĩciarĩire mũaciĩta Mũngĩkĩ
Ona andũ aitũ rĩgũkeka, mbũgũ icokio kĩnya
Warigũo gũtirĩ rũru Gĩkũyũ rũagaga njaũ
(Na rũngĩaga harĩ ũgũati)
(He hiti ĩrarĩa, kana ngarĩ)
Mwana wa kairĩtu nĩwe nyina wa bũrũri
Mwana wa ngarĩ nake agĩkunyaga o ta nyina
Airĩtu ti aingĩ Gĩkũyũ maranyũĩrũo njohi
Aciari atumia nĩinyũĩ ndagereka na mũrũri
(Tarai tũirĩtu tũanyu)
Mũauga njogoo ni ngũrũ, mũthĩnjĩrũo mũrĩe
Mũtĩ ũtegũtemũo ngũĩre ndũgeragio ithanũa
Mũthuri aikarĩire njũng’wa nĩonaga hanene
Kũrĩ kĩhĩĩ gĩkĩĩya macungwa kĩ mũtĩ igũrũ
Ciana citũ nĩithomithio ũgĩ wa mabuku
Ũgĩ ũrĩa wa mũciarĩre ũmaga kwĩ Ngai
Tũtikanakĩrio nganya nĩ mbarĩ ya njitha
Wanjambio ira nĩ mwene ĩyo nyũmba nĩtumei toro
Ona riũa rĩgĩotagũo mũigue andũ aya
Mũndũ wothe ũgũĩtũo mũĩthĩ nĩwe rĩracina
Arĩkagĩria hawker-inĩ, kana makanga-inĩ
Na kũu atuĩkĩte thia, arĩaga akĩhũgaga
Umai umai andũ aitũ njamba citũ
Na mũmenye thũmbĩ na nyaga nĩ citũ
Umai umai andũ aitũ njamba citũ
Na mũmenye thũmbĩ na nyaga nĩ citũ
Mwene Nyaga ikũrũka na ũtheri waku
Bũrũri ũrenda atongoria akindĩrĩku
Mwene Nyaga ikũrũka na ũtheri waku
Bũrũri ũrenda atongoria akindĩrĩku
Ĩni, andũ mena ũmenyo
Na athuri marutĩte mbũri ithatũ
Bũrũri no ũgathiĩ wega Wa Mary
Iko cheza cheza, na Wanarũwengo
Kweli cheza cheza, na Wanarũwengo
Kweli ni shamasha, ya Wanarũwengo-ĩĩ ĩĩ!
No ũraigua Ng’ang’a wa mami
Bũrũri ũkũenda andũ akindĩrĩku
(Sikia Wanarũwengo hapo hapo)
Listen
Official video
Tip
Long‑press a line to highlight and export it as a shareable card.